الجزء الثالث
كانت الفكره دي مسيطره عليهم بس ازاي هيخلصوا من اللعنه دي لاحسن الحظ كان في بيت مكتوب عليه مخصص لاسرار وفي الليل بيكون هدوء تام اتسحبوا ودخلوا البيت من شباك المطبخ كان في مكتبه صغيره مقفوله بباب ايزاز مكتوب عليه قصه القريه المفقوده بقلم الناجي الوحيد عمار ومحمد قربوا من المكتبه وفتحوها كان في عشر لفات لورق زي الكتب كل كتاب مكتوب عليه تاريخ واللي لفت انتباهم الكتاب اللي مكتوب عليه الحقيقه بختصار مع علاجها اخدوا الكتاب وقعدوا يقروا فيه وكان مكتوب التالي
انا محسن كان دا بيتي وعايش في مرتاح لحد ما في يوم جات سيده من بلد عربيه وسكنت معانا كانت لطيفه ومحترمه وكل الناس بتشكر فيها لكن سرعان ما تحول الملاك لشيطان في يوم لقناها خرجه من البيت لبسه فستان زفاف وماسكه شمعه وبتنادي علي الجيران وبتخبط علي البيوت وبتقول تزوجت شيطان تزوجت اقوي شئ علي الارض انا هعيش لابد كانت حوالين عيونها سوده سنانها فيها نقط كتير سوده ضوافر ايديها سوده شكلها كان مرعب بالنسبه لينا وبعدها رجعت البيت وكان فكره الجيران انها اتجننت لكن كل ليله بعد 12بالليل لو حد اتواجد في الشارع كان بيظهر خيال كبير طويل جدا كان كفيل انه يسد الشارع الناس بدات عرف ان كلامها كان بجد وان دا هو اللي اتجوزها واللي كان بيحاول يقف قدامه او قدامها كان بيموت ويتحول بيته لقبر ويدفن جواه كان موتهم طبيعي لحد ما الناس قررت تتخلص منها وجابوا شيخ في النهار لان لو بالليل كانوا مش هيقدروا عليها وقيدوها في وسط البلد وولعوا نار جانبها وبداء الشيخ في الرقيه الشرعيه علي مايه وحطها في بخاخه وبدا يقرا قرءان وكل لما تصرخ يرش عليها من البخاخه لحد ما اتكلم الشيطان اللي جواها وقال انا اللي هقدر اموتكم كلكم مش في حد هيقدر عليا انا اقوي من اي حد علي وجه الارض رد الشيخ قال والله هو الاقوي وهو اللي خلقك ومكانك في نار جهنم قال مش هكون لوحدي هتكون هي معايا وكل واحد سمع كلام الشيطان رد الشيخ وقاله اخرج منها وتعهد بعدم اذي اي بشري قاله انا مش اذيتها ولا روحت لحد من نفسي هما اللي بيحضروني وانا في خدمه متابعيني رد الشيخ وقاله انهم عصوا الله وعذابهم عند الله رد الشيطان وقال وانا لم اتركها انها زوجتي ولي منها اطفال قال الشيخ لاء هتخرج من غير ما تاذيها قاله هموتها رد الشيخ وقال ايه الكرسي لكن الشيطان كان قرر انه يموت جواها ومن شده ناره حرق معاه السيده اصبحت نص جسمها عضم والنص التاني سليم وبعد موتها الناس فكرت ان كده الموضوع خلص لكن كانت كده البدايه بعد دفنها بسنتين الشيخ رجع القريه وقال ليهم ان الحكايه مخلصتش كلام الشيطان كان صح هي كانت مراته وليه منها اطفال وعشيرته قررت الانتقام من القريه كلها وراحوا حربوا قبيله تانيه لاخذ سر بعوده الموتي وهيجوا بالليل ويقولوا التعويذه علي السيده وهيصحوها تاني لكن ماحدش قدر يعمل حاجه وفضلوا يفكروا ومافيش حل وفعلا بالليل الساعه 2 سمعوا صوت مرعب جدا جاي من مكان دفنها وفجاه لقوها قدامهم وكان حواليها كائنات مرعبه اللي طويل واللي قصير واللي شكله بشكل كلاب وارجلهم ماعز اللي قدر يهرب هرب واللي مقدرش اتقتل واتبني في بيتهم القبور وادفنوا وقالوا التعويذه عليهم بعد 12ساعه يرجعوا الاموت الاحياء ومع كل جثه تدفن قوه القبيله والسيده تقوي ومن كتر اللي اتحولوا بقت القريه تختفي عن نظر الناس اللي بعدوا من عليها لكن انا اتوصلت لحل لكن مش عارف انفذه ان جثه السيده تطلع في النهار من قبرها ويتحضر قبيله من الجان المسلم ويكونوا في استعداد لحرب القبيله الكافره من الجان ويقوموا بهزيمتهم وتحرق جثتها لحد ما تبقي رماد ويترش علي حدود القريه وبكده اللعنه تنتهي
دا الكلام اللي قروه في الورق ولازم يتنفذ قبل مرور 12ساعه علي جثث اصحابهم بس لاسف مالقوش في الورق مكان قبر السيده الملعونه كان لازم يدورا في كل بيت وفعلا بدأوا يدورا لكن اللي لفت انتباهم ان في بيت محطوط عليه قرون ومكتوب كلمه انا زوجه شيطاني عرفوا ان هنا الجثه دخلوا وبعد ما فتحوا القبر كان لازم يطلعوها دخل محمد وعمار القبر وفعلا طلعوها بفستان زفاف ابيض وقعدوا جانبها وبدأوا يقروا كلام مع ادعيه معينه وفعلا حسوا بوجود حد معاهم نجاحوا في احضار جن مسلم (بطريقه معينه) وجاب معاه عشيرته وفي الليل كانوا مستعدين لحضورهم عند بيت السيده وعند حضور عشيره الشيطان قامت مايقارب بحرب كانوا الاصدقاء شايفين كل شئ كان منظر يفزع اي شخص لكن شكل اصحابهم الاموات مقويهم لكن لاسف اتصاب سماح ومحمد في المعركه دي بدخل الجان في اجسادهم بشده ولم يسطيعوا النجاه لكن عمار قدر انه يهرب من كل دا وخرج علي اول القريه ومعاه الكاميرات اللي صور فيها الاموات الاحياء وحال القريه لكن الحرب بين العشرتين ماقدش يصورها لانها ماكنتش هتظهر بالتأكيد ورجع علي بيته وقام بنشر الفيديوهات علي الانترنت وبعد ما الناس عرفت اللي حصل قررت مجموعه بمساعده عمار وراحوا القريه مع اهل بقيت اصحابه وجابوا الجثث ودفنوهم وبكده عمار ارتاح من ناحيه اصحابه لكن ماترحمش من بطش الجان فضلت الاحلام المزعجه مستمره معاه وكان خلاص هيوصل لحد الجنون لكن قرر انه يروح لدجالين عشان يقدر يتخلص من كل دا لكن في مره وهو في جلسه لطرد الجان منه الدجال لم يستطيع السيطره علي نفسه ومسك حبل انه هيضغط بيه بسيط علي رقبه عمار لكن من كلامه مع الجان اللي حضر واتكلم بلسان عمار ولاسف ضغط جامد وعمار مات واتحبس الدجال وانتهت حكايه الشباب اللي كان كل حلمهم انهم يتشهروا بتصوير فيلم عن القريه وبقت القريه المفقوده محور خوف واهتمام ومتابعه لبعض الشباب لكن خوفهم من اللي حصل خلاهم يرجعوا عن فكره زياره القريه ‘‘‘‘
الفضول وحش بمعني الكلمه دي كانت نهايه شباب زي الورد وممكن الفضول يسيطر علي اي حد ويفكر يروح لاي مكان مهجور عشان يتشهر ويبقي ليه متابعين لكن اقتل فضولك واقتنع ان البيوت المهجوره لم يسكنها البشر بل يسكنها الجان