الجزء التاني .

))هيك كان مصيري ومابعرف لوين كنت رح اصل بحالي..رحت معها لميسون ع شقتها يلي بالطابق الثاني. كانت شقة كتير حلوة ومجهزة من اجملو بعكس الخرابة يلي سكنوني فيها.

ميسون :- شو بدك اضلي تتأملي كتير فوتي لعند رافت ..فوتي خلصي..

رأفت :- تعي ولا اضلك واقفة متل الحيط هونيك

زينب :- ليش طلبتني

) وقت سالتو زاورني بعيون جاحظة ..قام من مكانو واجا لمكان ما انا واقفة..

رافت :- اول شي اياكي تقليلي لبش انتي هون بتنفذي من تم مخروس ..من بكرة من تخلصي تنضيف البيت مع امي بتجي لهون تنضفي البيت ..فوتي هلق خلصي ترتيب المطبخ..

زينب :- طيب ليش انا اعمل هيك

رافت :- لك شكلو جسمك انتي بحكك

ميسون :- روحي روحي خلصي بلا يضربك ..

(( من الحرقة يلي بقلبي ماقدرت احكي حرف..ماهني السبب اهلي حرقوني بايديهن ..كنت عم نضف في بيت ميسون ..يلي مالي ذنب حتى بهيك شي ..كنت نفسي اطلع احكي لاهلي يلي بصير معي..ليساعدوني اكيد مارح اهون عليهم..خلصت ترتيب واطلعت لاخبرهن سمعتو عم يتخانق مع ميسون. ..

ميسون :- شو يعني هالحكي انتو بدكن تجننوني

رافت : انا ماقصرت معك وليكني عم لبي كل طلباتك ..

ميسون :- لك انت بدك توجعلي قلبي

رافت :- ياستي وحياتك مالمستا انا بس اخدت شرفا منها بايدي

ميسون :- وشو يلي بدو يخليني سدقك

رافت :- بكرة باخدها ع الدكتورة ..وتشوفي بعينك ..

ميسون :- وطيب وبعدين

رافت :- شو يلي بدك اياه

ميسون :- بدي نخلص منها مابدي ترجع تحرقلي قلبي باختها..

رافت :- انتي بتحسي فيني ولا لاء ..جاوبيني حاسة بوجعي ولا لاء...حاسة بالنار يلي بتاكل فيني وقت اخي يموت بدم بارد ويندفن ..والمقابل وحدة..شو شفى غليلي هالفعل فهميني..انا ان ماذليتن بحكم العادات يلي غسلو فيها دم اخي مابكون رافت..

ميسون :- شو رح تعمل

رافت :- رح اجيب التانية كمان واورجيهن انو كل بنات العيلة مستحيل يغسلو ثأر اخي..

ميسون :-😥 والله خايفة

رافت :- لا تخافي انتي الاولى والاخيرة وام اولادي شو مابدنا نتسلى اليوم

ميسون :- لا دخيلك جسمي بعدو بيوجعني من الضرب خليها ليوم تاني .

رافت :- شو يوم تاني بقلك دق الحديد وهو حامي قومي جيبي الكرباج وتعي

ميسون :- مممم رافت

رافت :- بتحبي انزل فش سعادتي بغيرك

ميسون :- لاء خلص رايحة جيبو

رافت :-وقلعيها..

ميسون :- اي يالا..

(( ضايعة ..حديث بيقتل ..ماعدت استوعب بأي حفرة انا وقعت بأي مصيدة اهلي نصبو لالي..كلام رافت وتخطيطو ليهين اختي واهلي وانا كان بموتني...دموعي ماكان يجفو..

ميسون :- شو ليش واقفة هون

زينب :- كنت بدي قلك خلصت

ميسون :- اي يالا انقلعي الله معك..بدي اتفرغ لجوزي..هوينا ..

(( انزلت لتحت على غرفتي. كنت حاول لاقي طريقة اوصل فيها لاهلي لاخبرهن انو الثار ما وقف وانهن بدهن حقهن لو شو ماصار...بقيت على هالحال ايام متل شي جارية او خدامة..لنقضو ٤٠ يوم وانشغلو اهل البيت باربعينية ابنهن. ماكان. حد طايقني...

جميلة :- شبك وجهك اصفر مابتاكلي

زينب :- لاء مافيني شي

جميلة :- صايرة هزيلة

زينب :- الله بعين

جميلة :- حد هون بدايقك

زينب :- لاء

جميلة :- لاتهتمي لنظرات الاقارب هني هيك .

زينب :- مابعرف شو عملت انا بحياتي ليكون هاد نصيبي

جميلة : هون ماوحدة فينا بتعرف مصيرها هاتي القهوة وتعي..

زينب :- تكرمي

جميلة :- ميسون على وجه ولادة باقيلا شهرين..

زينب :- اي

جميلة :- رح تجي لعنا تولد

زينب :- تقوم بالسلامة

جميلة :-. اسمعت رح يجيبوكي معها لتخدميها .

زينب :- انا

جميلة :- هيك سمعت..قال ضرتها وواجب تساعديها من تولد لان ابن زوجك..

زينب :- كم يوم

جميلة :- اسبوعين ع ما اعتقد

زينب ؛- 😥😥

جميلة :- لا تقلقي انا بساندك ولو حماتي قوية بس مو مشكلة لا تاكلي هما..

زينب :- الله كريم

جميلة :- جسمك راحت منو علامات الضرب

زينب :- اي

جميلة :- طبيعة اخي هيك بحب..بكرة بتتعودي متل ميسون وتحبي ضربو

(( حطيت الغصة بقلبي وسكتت ماكنت بعرف انو العنف عندن لالو لذة..مضت الايام وانا قلبي بيوجعي ع اهلي يلي صرلي ٣ شهور ماشفتن..وقربت ولادة ميسون ..والله اعلم شو كان ناطرني..بس كنت ناطرتا لتقدر جميلة متل واعدتني تاخدني شوف اهلي ..ضبيت اغراضي واطلعت مع ميسون ع بيت اهلا..مشان نجهز تحضيرات الولادة هيك العادات.. ومن العادات انو نساوينهن مابتولد بالمشافي..بجيبو الدكتورة للبيت وهي بتولدها..وولدت ميسون وجابت الصبي التاني لرأفت..وبلشت اخدمها انا...ووقت تنام اطلع ساعد امها بتنضيف الببت ..خدامة متاحة للجميع..

جميلة :-شو جهزتي

زينب :- اي متى رايحين

جميلة :-. هلق ..حكيت لحماتي ع اساس نجيب كم غرض ..خلصي قبل لحد ينتبه علينا

(( كنا هيك متفقين.. طلعنا من البيت وبعدنا عن الحارة..وفتنا بشوارع ضيقة..

جميلة :- خدي هالنقاب البسيه

زينب :- انا

جميلة، - اي البسيه مشان ماحد يشوفك لان بيت اهلك مراقب لسه. .

زينب :- طيب

جميلة :- لا تتاخري ربع ساعة رح انطرك بالسوق

زينب :- حاضر

جميلة :- يالا بشوفك الله معك

(( البست النقاب وصرت اركض هربانة من الدني لعند اهلي رايحة اقلن شو صار معي واني بجحيم لازم ينقذوني منو..دقيت الباب فتحت لالي اختي..

سجود :-مين انتي

(( رفعت النقاب ..اول ماشافتني اختي هربت للبيت وكاني شخص غريب..

سجود :- امي زينب اجت

امي :- لاءمو معقول مستحيل لاء يازينب لا يامو شو عم تعملي.

((( لقيت امي عم تركض لعندي ..ووجها كلو خوف مابتفسر..نزلت بالارض وانا عم ابكي مابعرف شوق ولا خوف ولا مشان احكيلا الظلم يلي بشوفو.. كمشتني امي وبلشت تدفش فيني لبرا البيت ..ماكنت مسدقة يلي بصير معقول امي كمان تعمل فيني هيك..كانت عم تبكي وهي عم تدفشني وتترجاني روح

...

امي :- روحي يازينب روحي لا تقتليني يا امي لا تعملي فيني متل ماعمل يوسف ..ليش جيتي للبيت مو هيك العادات

زينب :- امي شبعت ظلم وضرب انا هربانة بربك ساعديني

امي :- لاء يازينب ارجعي لبيت زوجك ..ارجعي رقبة اخواتك واولاد عمك تحت ايدك..لا تقتليهن وتقتليني..

(( قفلت الباب امي بعد ما كبتني بالشارع ماكنت بعرف لوين روح بس ماقدرت ارجع ع البيت ماسدقت اهرب منو.وصلت لعند جميلة شفتها من بعيد ناطرتني وعم تشوف الساعة ومتوترة....مارحت لعندا ..تركتا ناطرتني وصرت امشي بالشوارع ماكنت بعرف لوين روح اذا بدي اصل عماتي رح يخبروا ابي..وخالاتي كلن مسافرين ومافي الا ابنهم يحيي هون .ويحيي طول عمرو بيكرهنا ..بقيت بالحديقة العامة لمرق النهار وصار الليل ..والدني برد ومطر..بقيت تحت الشجر عم ارجف ..لوقت اجى الحارس..

الحارس :- بسم الله شو بتعملي هون .

زينب :- ناطرة ابي

الحارس :- خليكي دق ع الشرطة ..يابنتي الوقت متاخر وين في اهل بيتركوا بنتهن برا لهيك وقت

(( اول ماشفتو عم يحاكي الشرطة هربت..هربت وماعرفت لوين روح..وصلت لبيت اهلي من تاني دقيت الباب .مرة واثنين ..مع اني شايفة خيالهن موجودين بس متل يلي خايفين يفتحو الباب..وع صوت العتم اسمعت خطوات جاية من بعيد وصوت عالي حسيت انهن من طرف رافت مالقيت طريقة اتخبى منهن الا جنب حاويات الحارة.. وبالفعل كانو قرايبو ..واهلي ماقبلو يفتحو ..كنت شايفتن وشايفة المختار يلي طلع من بيت اهلي لياكد انو انا ماني موجودة.. ماكان بايدي الا ابعد من كل المنطقة ..وصلت المشفى وبقيت فيو ماحد عرفان عني انا زائرة او انا مريضة العالم عم تطلع فيني وتروح. ومن يجي حد يسالني بقلن ناطرة ابي ..😥😥 ..

مرقت الساعات لطلع الصبح..وماكان عندي مجال الا روح لعند يحيي هو الوحيد يلي بقدر يخبيني لانو بيكره اهلي ..كانت الطريق طويلة وتيابي شبه مبلوليين ..وايدي زرق وشفافي بيرجفو..وصلت المكان يلي عايش فيه يحيي دقيت الباب..وصوت من بعيد عم يقلي مين..فتح الباب شاب ماكنت بعرفو بس يلي بعرفو اكيد هاد بيت ابن خالتي ..

زينب :- اخي هاد بيت يحيي

..اي بيتو بس نايم هو قلو مين

زينب :- بنت خالتو زينب قلو ضروري الله يخليك

..يلا رح فيقوو .فوتي انتي

زينب :- لاء انا بنطرو هون

كانت دقيقتين واجا لعندي يحيي وهو مصدوم بجيتي..يحيي بحب اختي سجود وهو بيكره اهلي لانهم رفضو يزوجوها لالو وبالاساس اختي يلي رفضتو ..

يحيي:- زينب فيكي شي ..

زينب :- الله يخليك يحيي لا تقفل بابك بوجهي ساعدني الله يخليك لاتعمل متل اهلي

يحيي :- فوتي فوتي ماني فاهم شي شو صاير معك

زينب :- عم موت بالبطئ انا

يحيي :- فوتي بنت خالتي ..احمد روح انت بشوفك بالمسا..

احمد :- اذا بدك شي خبرني

يحيي :- ماشي ..اسمع ..ماتجيب سيرة لحد باللي شفتو

احمد :- ولا يهمك شريك الله يصلح الحال..

(( دخلت بيت يحيي جابلي غطا ..لالي وشغل لالي الصوبيا..

يحيي :- خدي اشربي هاي بدفيكي..اذا بتحبي قومي غيري تيابك ..في تياب اختي رباب اذا بناسبوكي بالخزانة..

زينب :- انت عرفت شو صار فيني

يحيي :- اي اسمعت من امي خبرتني

زينب :- انا هربت يحيي

يحيي:- الله يستر شو رح يصير هلق

زينب :- انا خايفة

يحيي :- مابعرف شو رح نعمل

زينب :- كانو يآذوني وعملوني خدامة وكان يضربني ..

يحيي :- الله يكسر ايديه

زينب :- حتى لمرتو كمان

يحيي :- استهدي بالرحمن كل شي بنحل ان شاء الله

زينب :- ساعدني يحيي ..خبيني بمكان ماحد يعرف عني شي ..

يحيي :- خلينا نشوف شو نعمل ..لحظة احاكي امي..
واسألها شو صاير عند امك..

(( غاب دقيقتين اتصال..ورجع لعندي..ناطر شي كان وجهو مخطوف والف شي شاغل بالو وماقبلان يحاكيني..

زينب :- يحيي انت خبرت اهلي اني انا هون

يحيي :- مممم زينب انتي بتعرفي بهروبك رح ياخدو سجود مكانك

زينب :- خبرتن. .ليش يحيي ليش هيك عملت فيني

يحيي :- افهميني والله ماقصدت وبهروبك ما بتنحل المشكلة.((

كنت بدي اهرب منو كمان بس لقيتو مقفل الباب واخد المفتاح ..صرت اصرخ بأعلى صوتي ماكنت عرفانة وين روح بحالي كل العالم عم تغدر فيني. .وصلت عمتي وابي وعمي ..وشحطوني بالقوة ...كنت اترجاهن وبوس ايديهم ليساعدوني او يقتلوني وارتاح ماكان حد عم يسمعني صمو اذنيهن..وعند باب بيت رافت دفشوني..وعلى كلماتن يلي لهلق عم ترن بإذني...لا تخربي بيتنا..اااخ من هالكلمة ناس تغلط وناس تتحمل ذنبن..انفتح الباب ..وشحطني رأفت من شعري لقلب البيت..كان مجهز لالي كرباجو ..وماكان بايدي اعمل شي الا اني اصرخ من وجعي..

زينب :- ابوس رجليك خلص خلص والله بيوجع الله يخليك خلص. امانة يامرت عمي خليه يوقف..اااااااااخ ااااااااخ ياناس حد يساعدني الله يخليك خلص حاجي توبة والله ما اعيدها توبة..

رافت:- لك يابنت الحرام بتفكري دخول الحمام متل خروجو تعي تعي

زينب :- اترك شعري الله يخليك ..الله يخليلك اولادك ارحمني ابوس رجليك ارحمني..

دفشني من سلم الشقة للارض .اغم عليه .ومافقت الا ع ضرب كفوف على وجهي ..قمت مفزوعة بدي اهرب من الضرب ..شدني للسرير. بكل ما اعطي من قوة حاولت اتصدى لالو واهرب ..حتى اسمعت طق برجلي صارر..صوت عضم رجلي اللي انكسر..شحطني من تاني للسرير وربط ايدي ورجليه بطرافوو.. كان عم يضحك بشكل هستيري وجنوني صوت ضحكاتو كانت مغطيه على صوت صراخي وعيونو حسيت البؤبؤ منهن بدو يطلع ..وهون شهدت على ليلة اغتصابي ..اي اغتصبني ووقت انتهي من غريزتو الحيوانية ونام ..قدرت اهرب للمرة الثانية كانت عيوني من البكي ماقدراني فتحهن. ..ماكنت بعرف على شو كنت عم ابكي وليش..على اغتصابي او كسر رجلي ام على وحش كان يوم نصيبي ..كانت اخر ليلة اقضيها معو. غيرت فيها كل مجريات حياتي . يلي كانت مابين الموت على سريره او مابين كلمات اهلي. وما انها الروح عند الجميع غالية وروحي كانت رخيصة. .هربت بقدرة القادر. بعد ليلة ماكان لالها مثيل.

وعلى موقف الباصات كنت واقفة..

زينب :- اخي الله يخليك ساعدني..

(( كنت عم جر رجلي معي ووجهي يلي عم يشر منو الدم....وقف الرجال مقابيلي وهو متفاجئ من هول منظري..

..مين عامل فيكي هيك

زينب :- اذا بتعرف الله ساعدني

..بنتي انتي بدك مشفى ياجماعة اتصلو ع الاسعاف

زينب :- لاء الله يخليك لاء رح يعرفو مكاني..

(( ماكان بايدي الا من هون اهرب كمان ..صرت اهرب ببطئ ورجلي عم اشحطا ورا كانو بعدن واقفين وعم يتأملو مشهد العذاب يلي عم يصير فيني. وقتا اسمعت صوت عم يلحقني .

...اختي بس اسمعيني..يابنت..

وقفت وكأني سمعت هالصوت قبل هيك...التفت للشخص يلي عم ينادي عليه ..وكان الشاب يلي فتح لالي الباب عند يحيي..

#احمد

من شفتو حاولت اسرع بالهرب اكتر كنت خايفة يخبر يحيي وكمان يرجع يحيي يخبر عني..

احمد :- لك اسمعيني حاجي تركضي رجلك رح تسوء اكتر

زينب :-شو بدك مني الله يخليك اتركوني

احمد :- لا تخافي مني لاتخافي والمصحف وبروح امي الميتة مابدي ضرك. انا قلي يحيي شو صاير معك وبالصدفة شفتك عند كراجات السيارات. اسمعيني اختي انا بساعدك. .والله مابدي ضرك بشي..

زينب :- هربني من البلد الله يخليك

احمد :- حاضر

زينب ؛- لاء كذاب ما بسدقك

احمد :-لك وقفي لا تركضي حلفت بالمصحف لاساعدك وعنك مارح خبر حد

(( وانا عم اهرب شفت امي وابي ومعهن اختي سجود حاملين شنتهم واصلين لعند الكراجات وقتا عرفت هني كمان هربانين..بس كنت خايفة خايفة روح لعندن ويرتاح بالهن ويرجعوني من تاني لعند رافت بس ليش اتخلو عني هني كمان وهربوو. ومن خوفي ليشوفوني

زينب :- خبيني الله يخليك هاد ابي بسرعة .

احمد :- تعي تعي .

زينب :- رح يشوفوني

احمد :- تعي من هون..بسرعة ..قبل لحد ينتبه عليكي

(( وبالفعل قدر احمد يهربني من كل المنطقة اخدنا سيارة ونزلنا على ضيعة بتبعد ٤ ساعات ارتاح قلبي وقت حسيت اني صرت بعيدة عنهن..وصلنا لبيت..

احمد - انزلي لهون ..

زينب :- وين نحنا..

احمد :- هاد بيت ستي بس رح نروح للعيادة يجبرو رجلك انتفخت كتير..ارتاحي هون ماحد رح يعرف مكانك..

(( بقيت في بيت ستو لاحمد ايام ..هي الوحيدة يلي كانت تخفف عني همومي وتسمعني...واحمد كان يجيب لالي الاخبار. اسمعت انو من بعد ما عرفو اني هربت..اهلي تركوا المنطقة .. ومرق على حالي شهرين .لوقت اسمعنا انو منطقتنا صارت بإيدين حزب مابدي اذكر اسمو....حزب متطرف ..

احمد :- والله تغير كل شي هونيك .الدني كلا صارت تحت ايديهن .وبتعرفي مين معهن كمان ومسيطرين ع الحارة

زينب :-مين

احمد :- زوجك واهلو..بقولوا العالم هني اكتر ناس مؤيدين لالهن ومعهن .

العجوز :- قوم يا تيته اتغدى. .جهزتلك الغدا تعال طمني عنك اكيد جوعان من السفر..

احمد :- اي والله ياستي ..قومي زينب كلي..

زينب :- والله مالي نفس ..خلص كل انت لوقت ما اجهز الشاي

احمد :- شو ما الك نفس..

العجوز :- اتركها ياتيته هي صرلا شهر ع هالحال ..

احمد :- شو يعني ليكون قارصها شي

العجوز :- والله ياخوفي تكون حامل نفسها عم تلعي هيك شايفتا وماني مستجرية قلا تعي اخدك ع دكتور

احمد :- ستي شو عم تحكي ..مصيبة هالحكي..
تابعون باقي القصة  واضغط هنااااا👇👇👇👇